A Fiestra de Masoucos o Mundo

Aída Valiño (Castroverde, 1987), do Cidade de Lugo Club Fluvial, chegaba ca moral reforzada a Serres(Grecia), despois de conquistalo título nacional de duatlón na categoría sub-23 o pasado mes en Monforte. Aínda que días atrás non puido rematala proba da Copa de Europa de Pontevedra, polas duras condicions meteorolóxicas(choiva e frío), por fin se puido resarcir, e así, este sábado pasado proclamouse subcampiona de Europa sub 23, no Campionato de Europa de Duatlón, celebrado en Serres (Grecia). A francesa, Charlotte Gauchet puido con Aída, e fíxose co primeiro posto por tan só 45 segundos, tras finalizalo percorrido cun tempo de 2.03.28 horas.

A nosa veciña de 20 anos, conseguiu sen dúbida, o seu maior éxito internacional tras 10 km a pé, 40 en bicicleta e 5 máis nunca última carreira demoledora. Con esta prata, Aida Valiño obtén tamén a segunda posición no Campionato de Europa Absoluto. Tamén defendera para o próximo ano o título, tanto no campeonato de España na súa categoría , como no galego.

Aída tivo «boas sensacions» durante toda a proba. «Ao principio costábame algo correr e fun mellorando de forma progresiva; cando me subín a bicicleta fun no grupo de cabeza e estou contenta porque me baixei moi cerquiña das mellores da categoría absoluta», declarou.

Tamén recoñeceu que a última carreira fixoselle «algo dura» xa que se tratou do segundo duatlón olímpico da súa vida. Con respecto ao Europeo do ano pasado, no que conseguiu unha excelente sétima posición, notou mellorías «sobre todo na carreira a pé». A pesar de que está saíndo dunha lesión (xa recuperada) que lle afectou a espalda e a un pe, que lle impidiu adestrar con nomalidade.

«Aínda esta semana non puiden traballar dous días con normalidade porque tiña molestias; non esperaba facer este posto porque, ademais, durante a proba fixo muito calor e foi un pouco asfixiante», dixo. A pesar do bon resultado obtido, o obxetivo primordial chega dentro de quince días, no Mundial de Triatlón que se celebrará en Vancouver (Canadá). «Intentareino facer o mellor posible na natación, que se me da bastante ben. Aínda que existe moito nivel, farei o posible por loitar polas medallas», concluiu.

Sub 23 femenina

1. C. Gauchet (FRA), 2.03.28 horas

2. Aida Valiño, 2.04.13

3. Anna Grzesiak (POL), 2.15.26

4. Irini Mouchou (GRE ), 2.22.28

Muitas feliciades desde A Fiestra de Masoucos¡¡ Aída merecese eso é muito máis, como dice súa irmán¡¡¡¡¡ Moita sorte en Vancuver e ata pronto!!!!!

chúzame

O programa de RNE-Radio 3 “A Estación Azul”, dirixido por Ignacio Elguero, resultou gañador do Premio Galicia de Comunicación, na especialidade de radio, pola serie de programas “Encontro coa poesía galega”. Tres programas especiais nos que se deron cita os nomes máis relevantes da poesía galega contemporánea: María do Cebreiro, Suso Pensado, Yolanda Castaño, Claudio Rodríguez Fer, Luz Pozo Garza. Xavier Seoane, Chus Pato, Ana Romaní, Pepe Cáccamo, Arcadio López Casanova, Manuel Torneiro. Miguel Anxo Fernán Vello, Manuel Rivas, Salvador García Bodaño, Vicente Araguas, Darío Xohán Cabana e Ramiro Fonte.... escritores de distintas xeracións e correntes estéticas que deron testemuño cos seus versos do momento dourado que vive a poesía galega.

Igualmente estivo representado o mundo editorial e contouse cos cantautores galegos Emilio Batallán, Fran Pérez e Xavier Díaz. .

O encontro, celebrado en Lugo, estivo dirixido por Ignacio Elguero, coordinado pola xornalista galega Beatriz Domínguez Cao e contou coa colaboración especial de RNE en Galicia.

Foi inaugurado nas súas distintas sesións polo Presidente da Deputación D. José Ramón Gómez Besteiro; o alcalde de Lugo D. José López Orozco e a Conselleira de Cultura da Xunta de Galicia Dª Ánxela Bugallo, contou coa presenza do ministro de Cultura D. César Antonio Molina, no acto de clausura, que leu dous poemas. . Unhas xornadas que trataron de promocionar a poesía galega, promover o diálogo entre as distintas linguas do Estado, así como fomentar a lectura. Neste sentido, o encontro contou co apoio dos Editores Manuel Bragado (Edicións Xerais) e Carlos Lema (Editorial Galaxia).

Con este evento cultural, considerado histórico polos propios escritores, colaboraron diversas institucións como Ministerio de cultura a través da Dirección Xeral do libro, a Consellería de cultura da Xunta de Galicia, a Deputación provincial de Lugo, o Concello de Lugo, a Vicerrectoría de cultura da Universidade de Santiago de Compostela e a Sociedade Estatal de Conmemoracións culturais.

Fmdo. Faleieu

chúzame

Os gandeiros están fartos, e están a tomar medidas. Están comezando as súas protestas, despois dun tempo de calma. Son accións continuas e puntuais, coma as concentracións diante das empresas Lactalis de Vilalba e Rio no Ceao, e iso despois de tirar con 50.000 litros de leite dos camions de Leite Rio, a semana pasada.

Onte outra protesta de novo, desta volta un pouco máis mediática, e tamén máis confrontada, xa que os tres sindicatos maioritrios, non se puxeron dacordo para este acto, un paso máis cara o desastre, cada vez maior nun sector xa danado.

O problema é moi grave non hai dúbida, o prezo do leite non deixa de baixar, a pesar da creación da mesa do leite, ese organismo que alcanzaría un 'acordo' para conseguir un prezo minimo garantizado, e pola outra banda, os custos de producción non deixan de subir.

A creación do Grupo Lácteo Galego, ese ?proxecto¿ do que se levan anos e anos falando, non solucionará nada tampouco, porque primeiro haberían de poñerse de acordo os productores, cousa hoxe por hoxe, pouco probable.

Un bo exemplo a seguir sería o da marca Feiraco que non quixo pagarlle menos aos seus cooperativistas cando a industria alegou que tiñan que baixa-los prezos. Non habia xustificación de ningún tipo e apoiou ao sector lácteo galego manténdose firme na súa actitude.

Pero nesta loita hai máis elementos importantes, o localismo, O Banco de Terras, o recibo para que os produtores saiban por que se lles paga, o observatorio do sector lácteo e a posta en marcha de medidas para paliala tendencia a baixa no prezo do leite nos útlimos anos... cousas das que se oe falar día sí, día tamén, pero que non conseguen mellorar nada a situación. Pero que facer? Quedarse parado?

A terra sempre se rexenera, os prados, os cultivos etc. que tamén o fagan os nosos gandeiros.

P.D. Entrada adicada a 'Nosoutras' que non volveron pasar por aquí... e como non, a 'Un de tordea' que non se molla nada, porque muito fala, pero escribir, pouco, pouco. Tamén a 'un de corneas', sempre se aprende moito falando con él sobre estes temas, polo menos a súa opinión.

Un saúdo a todos eles¡

chúzame